ﺍﻇﺒﻂ ﺃﻣﻮﺭ ﻭﺍﺧﺪﻫﻢ ﻣﺶ ﻫﻨﻜﺮ ﺍﻧﻬﻢ ﻛﺎﻧﻮﺍ ﺣﻴﺎﺗﻲ ﻟﺤﺪ ﻣﺎ ﺳﺎﻓﺮﺕ ﻛﺎﻥ ﻟﻴﺎ ﺯﻣﻴﻠﻪ ﺍﺭﺩﻧﻴﻪ ﻣﻄﻠﻘﻪ ﺍﺗﻌﺮﻓﺖ ﻋﻠﻴﻬﺎ ﻭﻗﺮﺑﻨﺎ ﻣﻦ ﺑﻌﺾ ﺍﻭﻭﻭﻱ ﻟﺪﺭﺟﻪ ﺍﻧﻲ ﻛﻨﺖ ﺑﻨﺴﻲ ﺍﺗﺼﻞ ﺃﺳﺄﻝ ﻋﻠﻰ ﺯﻭﺟﺘﻲ ﻭﺯﻭﺟﺘﻲ ﻛﺘﻴﺮ ﺣﺴﺖ ﺍﻧﻲ ﺑﺒﻌﺪ ﺑﺲ ﻛﺎﻧﺖ ﻣﺘﺼﻮﺭﻩ ﺃﻥ ﺍﻟﺒﻌﺪ ﻭﺍﻟﺸﻐﻞ ﻫﻤﺎ ﺍﻟﺴﺒﺐ …
ﻛﺎﻧﺖ ﺑﻜﻠﻤﻪ ﺑﺮﺍﺿﻴﻬﺎ ﻧﻈﺮﻩ ﺍﻟﺤﺐ ﺑﺲ ﻛﺎﻧﺖ ﺑﺘﺸﺒﻌﻬﺎ … ﻭﻗﺘﻬﺎ ﻛﻨﺖ ﺍﺗﻌﻤﻴﺖ ﺍﻧﻲ ﺳﺎﻳﺐ ﻓﻲ ﻣﺼﺮ ﺟﻨﻴﻪ ﺩﻫﺐ ﺍﻟﻨﺼﻴﺐ ﻣﺶ ﺑﻴﻘﺪﻣﻪ ﻟﻺﻧﺴﺎﻥ ﻣﺮﺗﻴﻦ..
ﺑﺪﺃﺕ ﺍﺗﻠﻜﻚ ﺍﻧﻲ ﻣﺎ ﻳﻨﻔﻌﺶ ﺃﺧﺬﻫﻢ ﻣﻌﺎﻳﺎﺩﻟﻮﻗﺖ ﻭﺃﺻﺒﺮﻭﺍ.. ﻓﻲ ﻭﻗﺖ ﻛﺎﻧﺖ ﻋﻼﻗﺘﻲ ﺑﺰﻣﻴﻠﺘﻲ ﺩﻱ ﻛﺎﻧﺖ ﻋﺪﺕ ﺣﺪﻭﺩ ﺍﻟﻤﺤﺮﻣﺎﺕ.. ﺟﻪ ﻭﻗﺖ ﻃﻠﺒﺖ ﻣﻨﻲ ﻧﺘﺠﻮﺯ ﺭﻓﻀﺖ ﺩﻟﻮﻗﺖ
ﻭﺍﺗﻬﺮﺑﺖ ﺷﻮﻳﻪ ﻗﺮﺭﺕ ﻫﻲ ﺗﺒﻌﺖ ﺷﻮﻳﻪ ﺻﻮﺭ ﻟﻤﺮﺍﺗﻲ ﻭﺍﺣﻨﺎ ﺳﻮﺍ ﻭﻣﺮﺍﺗﻲ ﺧﺪﺕ ﺍﻟﻤﻮﺿﻮﻉ ﻋﻠﻰ ﻛﺮﺍﻣﺘﻬﺎ ﻭﻃﻠﺒﺖ ﺗﺘﻄﻠﻖ
ﻣﺶ ﻫﻨﻜﺮ ﺍﻧﻲ ﻣﺎ ﺍﺗﻤﺴﻜﺘﺶ ﺑﻴﻬﺎ ﻗﻮﻭﻱ ﺑﻤﻌﻨﻰ ﺃﺻﺢ ﻛﻨﺖ ﺷﺎﻳﻒ ﺍﻧﻲ ﺑﻘﻰ ﻣﻌﺎﻳﺎ ﻗﺮﺷﻴﻦ ﻭﺍﺭﻭﺡ ﺍﺷﻮﻑ ﻧﻔﺴﻲ ﺑﻘﻰ ﻭﺍﺑﻮﻳﺎ ﺍﻟﻌﻤﺪﻫﻜﺎﻧﺖ ﻭﺧﺪﺍﻩ ﺍﻟﻌﺰﻩ ﺑﺎﻻﺳﻢ
ﻗﺎﻟﻲ ﺍﺯﺍﻱ ﺗﺮﻭﺡ ﺗﻌﺘﺰﺭ ﻭﺗﺼﺪﻙ ﺑﺲ ﺍﻣﻲ ﻟﺤﻖ ﺭﺑﻨﺎ ﻗﺎﻟﺘﻠﻲ ﺭﻭﺡ ﺑﻮﺱ ﺭﺟﻠﻴﻦ ﺃﻡ ﻋﻴﺎﻟﻚ ﻟﺤﺪ ﻣﺎ ﺗﺴﺎﻣﺤﻚ
ﺍﺑﻮﻳﺎ ﻗﺎﻟﻲ ﺍﻧﺖ ﺭﺣﺖ ﻣﺮﻩ ﻭﻫﻲ ﻋﺎﻳﺰﻩ ﺗﺘﻄﻠﻖ ﺍﺑﻌﺘﻠﻬﺎ ﻭﺭﻗﺘﻬﺎ ﻣﺶ ﺷﻐﻼﻧﻪ …
ﻭﺩﺍ ﺍﻟﻠﻲ ﺣﺼﻞ ﺍﺗﺼﻠﺖ ﺑﻴﺎ ﻣﺮﻩ ﻭﺍﺣﺪﻩ ﺑﻌﺪﻫﺎ ﻗﺎﻟﺘﻠﻲ ﺍﻧﺎ ﻓﻮﺿﺖ ﺃﻣﺮﻱ ﻟﻠﻲ ﺧﺎﻟﻘﻨﻲ ﻫﻮ ﺣﺴﺒﻲ ﻭﻭﻛﻴﻠﻲ ﺍﻧﺎ ﺳﻤﻌﺖ ﺍﻟﻜﻠﻤﺘﻴﻦ ﺩﻭﻝ ﻗﻔﻠﺖ ﻓﻲ ﻭﺷﻬﺎ ﺍﻟﺴﻜﻪ ﺍﻣﻲ ﻗﺎﻟﺘﻠﻲ
ﺭﻭﺡ ﻟﻬﺎ ﻳﺎ ﺍﺑﻨﻲ ﺿﺎﻓﺮ ﻋﻴﺎﻟﻚ ﺑﺎﻟﺪﻧﻴﺎ ﻭﻣﺎ ﻓﻴﻬﺎ ﺑﺲ ﺃﺑﻮﻳﺎ ﻛﺎﻥ ﺍﺧﺘﺎﺭ ﺍﻟﻌﺮﻭﺳﻪ ﺍﻟﺠﺪﻳﺪﻩ ﺭﺣﺖ ﺷﻔﺘﻬﺎ ﻭﺍﻋﺠﺒﺘﻨﻲ ﻭﻧﺴﻴﺖ ﺃﻥ ﻛﺎﻥ ﻓﻲ ﺣﻴﺎﺗﻲ ﺯﻭﺟﻪ
ﻭﺃﻭﻻﺩ ﻗﺒﻠﻬﺎﻭﺍﺗﺠﻮﺯﺕ ﺑﺴﺮﻋﻪ ﻭﻛﻨﺖ ﻧﺎﺩﺭﺍ ﻟﻤﺎ ﺍﻓﺘﻜﺮ ﺃﻥ ﻟﻴﺎ ﻋﻴﺎﻝ ﺃﺳﺄﻝ ﻋﻠﻴﻬﻢ ﺃﻭ ﺣﺘﻰ ﺍﺻﺮﻑ ﻋﻠﻴﻬﻢ ﺑﺲ ﻛﺎﻧﺖ ﺍﻣﻲ ﺑﺘﺒﻌﺖ ﻟﻬﻢ ﻣﺼﺮﻭﻑ ﻛﻮﻳﺲ
ﻛﻞ ﺷﻬﺮ ﻭﻣﺨﻠﻴﺎﻫﻢ ﻣﺶ ﻣﺤﺘﺎﺟﻴﻦ ﺣﺎﺟﻪ …
