مش انت كنت بتعمل كده وبتتعمد تعمل كده قدامي عشان تغيظني بأختي ،انت ازاي جالك قلب
انا بقيت بكره اختي بسببك تخيل اكره اختي احن واطيب شخص عليا في الكون بسبب واحد زيك !!
تخيل اكره بنت اختي عشان منك انت متخيل انت عملت فيا ايه وبعد كل ده تقولي رجعتلك!!
لا كتر خيرك بجد كتر خيرك اوي اوي طلقني وسيبني في حالي ياأخي طلقني عمري ما هحبك عمري ما هفكر فيك زي زمان مش هخون اختي
– ريمان انتي مش بتخوني اختك اختك عايشه وعارفه الموضوع وهي اللي طلبت مني اعمل كده
رديت بصدمه : – ا انت بتقول ايه
رديت بصدم#مه وانا ببصله بقلب بيتنفض وعقل مذهول مش قادر يستوعب ولا كلمه من اللي اتقالت !!
اختي مين اللي عايشه ،اختي ماتت ،انا شوفت اختي بنفسي وهي مي.ته ،شوفت جثتها ،شوفت وشها اللي كان الحرق مغطيه
انا بقالي شهرين بفتكر شكلها ،مش بيروح من بالي بقالي شهرين كل ما اغمض عيني اشوفها في احلامي بتصرخ وتستنجد بيا وانا ككل مره مبقدرش اعمل حاجه مبقدرش أنقذها كل مره بسيبها تم.وت
ازاي بعد كل ده يقولي اختك عايشه وعارفه وراضيه بعلاقتنا !
رديت بصوت بيترعش: – ا ا انت بتكذب عليا صح ا انت كذاب ا اختي ما.تت
اتنهد تنهيده طويله وهو بيرد بهدوء وبرود وكأن شيئا لم يكن
– اختك عايشه ياريمان لما عرفت بعلاقتنا زمان قررت تتطلق بكامل إرادتها وهي اللي خططت لكل ده عشان نرجع لبعض وعشان هي كمان ترجع لحبيبها
– حبيبها ؟!
قولتها بهمس وشرود ودموع وذهول وانا ببصله بتساؤل؟!
– ايوه حبيبها هي كمان كان ليها حبيب زمان وبعد عنها ومراته ما.تت وقرر يرجعلها
اختك مكانتش بتحبني ياريمان اختك طول الوقت كانت بتفكر في حبيبها وانا كمان مقدرش أنكر واقولك حبيتها انا كنت كل ثانيه وكل دقيقه بفكر فيكي انتي
ولما انكشفت الأوراق كل واحد فينا قرر ينفصل عن التاني بهدوء ويرجع اللي بيحبه احنا معملناش جر.يمه كل واحد فينا محبش يتمادي في كذبته كل واحد فينا كشف أوراقه للتاني عشان نقدر نعيش اللي باقي من عمرنا
اختك اتفقت معايا تعمل قصه موتها عشان تسافر لحبيبها وتتجوزه وعشان انا ارجعك ليا بحجه بنت اختك واتجوزك
كنت بسمعه كلامه بصدم#مه ومع كل كلمه بيقولها صدمتي تزيد واحت.قاري يزيد اضعاف
رديت بذهول : – انت اكيد بتكذب عليا مش كده اكيد طبعا بتكذب انت عايز تشوه سمعه اختي اللي يرحمها عايز تبين أنها خا.ينه عشان اكرهها صح !
انت عايز تقنعني أنك عايش معاها ست سنين بحالهم وعندكم بنت وعمرك ما حسيت انها بتحب واحد تاني ؟! عايز تقنعني انها محستش بحُبك ليا ،عايز تقنعني أن كل واحد فيكم قدر لمده ست سنين يمثل دور الزوج المثالي
انت بتخرف اكيد بتخرف شكل المسلسلات التركي آثرت علي دماغك جو العشق الممنوع مآثر عليك عشان كده قولت تخترع قصه صح ؟؟!
رد عليا صح اختي ما.تت اصلا اختي مش خاينه اختي اشرف منك ياخس.يس ياحق.ير اختي اشرف منك
اختي كانت بتحبك كانت بتحب بني آدم حقير قدر يخدعها قدر يخدعها زي ما خدعني انت مش بني آدم بجد مش بني آدم حسبي الله ونعم الوكيل فيك يابدر حسبي الله ونعم الوكيل فيك
كنت منهاره بالمعني الحرفي ،كنت بض.ربه فوق كتافه بكل قوتي وانا بكذب كل كلمه خرجت منه
اكيد كلامه كذب اختي عمرها ما تعمل كده ،اختي كانت بتحبه انا اكتر واحد عارفه اختي لما بتحب شخص أو تكره شخص ،اختي كانت كتاب مفتوح قدامي
كانت لما تتكلم عنه عينيها تلمع ،كانت تفضل تقولي قد ايه بتحبه قد ايه هو حنين كانت طول الوقت تمدح فيه
وفي المقابل يطلع بالحق.اره ديه ،في المقابل يمرمغ شرفها في التراب وهي مي.ته !
قد ايه استح.قرته ،قد ايه كرهته أضعاف كرهي ليه
مستحيل يكون بني آدم مستحيل يكون عنده قلب زينا
ده شي.طان شيط.ان علي هيئه بني آدم
سكت مره واحده لما صرخ في وشي وهو بيمسك ايدي اللي كانت بتضرب فيه بكل قوتها
– كفايه بقي كفاااااااايه انا مش كذاب انا مستعد اثبتلك مستعد اخليكي تسمعي صوت اختك بنفسك
انا لو حق.ير اوي كده كنت سيبتها من زمان كنت عرفتها حقيقه اني مش بحبها واني بحبك كنت عملت حاجات كتير انا مش حقير ومش واط.ي أنا بني آدم
انا معملتش حاجه غلط ،لو وراجل غيري كان عرف اللي عرفه كان زمانه قتل اختك ومكنتش هاخد فيها ساعه سجن
اختك اللي بتدافعي عنها دي كانت بتخوني كانت بتكلم عشيقها وبتقابله من ورايا
انا مجرحتش اختك مكسرتهاش هي بنفسها اللي جت وحكتلي عن علاقتها بشخص تاني
تخيل راجل يسمع من مراته انها بتحب واحد تاني ومن زمان تخيلي مراتي بتتخيلني هو كل دقيقه وكل ثانيه
هي اللي جت وطلبت تنفصل عني بهدوء ومن غير شوشره انا لو حق.ير زي ما بتقولي كنت فض.حت اختك كنت قت.لتها ومحدش كان هيلومني كنت في النهايه برضو هتجوزك بحجه بنت اختك
بس انا معملتش كده عارفه ليه ؟؟ عشان انا بني آدم عشان انا كمان ضحكت عليها كل السنين دي عشان انا محبتهاش وكنت بتخيلها انتي طول الوقت
عشان عارف يعني ايه حب ،عارف يعني ايه ندم وزي مانا ندمت اني سيبتك شوفت في عينيها الحزن والندم انها سابت حبيبها فوافقت ترجعله من غير اي عتاب أو فض.ايح
زي ما هي اتهان كرامتها حتي لو مكانتش بتحبني انا كمان اتهان كرامتي يبقي كده خالصين كل واحد فينا راح لحاله وخلصنا
وقرب مني وهو ماسك دراعاتي الاتنين وبصلي في عيوني بتحدي وقوه وهو بيقول من بين أسنانه : – وزي ماهي في النهايه رجعت للي بتحبه انا كمان هرجعك ليا برضاكي أو غصب عنك ياريمان
قال جملته اللي خلت قلبي يتنفض من نبره صوته وإصراره اللي كان باين في عيونه وبعد عني وهو بيكمل سواقه
اما عني دموعي كانت نازله علي خدي زي الشلال ،كنت بحاول استوعب كم الص.دمات اللي نازله عليا وكأن العالم كله أصبح ضدي
حطيت وشي بين أيدي وفضلت اعيط بدون صوت ،كنت حاسه قلبي هيقف من كتر الحزن والخذلان اللي شوفته علي ايد اقرب الناس ليا
بعد مده مش طويله وصلنا قدام العماره
بصيت حوليا بصمت وتعب وانا بحاول أجمع قوتي المسلوبه عشان اقدر أواجه اللي جاي واللي مش عارفه مخبي ايه تاني !!
نزل من العربيه ولف يفتحلي الباب فرفعت راسي ابصله بملامح خاليه من اي تعبير
اتنهد ومدلي أيده وهو بيبصلي بندم وحب واشتياق
ضحكت بسخرية وانا بتجاهل أيده الممدوده وبنزل من العربيه وبرزع الباب بكل قوتي
لقراءة تتمة القصة اضغط على الرقم 8 👇❤️👇❤️
