وبكل جراءه قربت منه وانا برفع راسي وببص في عيونه بكل تحدي وبقول وانا بضغط علي كل حرف : – اوعي تفتكر اني هسامحك بسهوله اوعي تفتكر اني ممكن اسامحك اصلا متنساش انك السبب في كل اللي بيحصل ده متنساش انك سيبتني من ست سنين اوعي تنسي يابدر اوعي تنسي انك اكتر شخص كسرني في الدنيا
اوعي تنسي أن في رب اسمه منتقم جبار اوعي تنسي أننا هنقف قدامه يوم القيامه وهحكيله عن قد ايه وجعتني وظلمتني واني عايزه حقي منك
واوعي تفتكر اني ضعيفه عشان كده وافقت اكمل معاك انا وافقت عشان حاجه واحده بس عشان احسسك بالندم كل دقيقه وكل ثانيه هتشوف وشي فيها عشان اعيشك اللي عيشتهولي اضعاف مضاعفه
عشان احسسك قد ايه الظلم وحش وفي النهايه انت اللي مش هتقدر تستحمل انت اللي هتطلقني بكامل إرادتك بعد ما تكون فقدت آخر ذره تحمل
ابتسم ابتسامه جانبيه وهو بيحط أيده الاتنين في جيبه وبيقول بهدوء وتحدي: – انا نفسي طويييييل اوي فوق ما تتخيلي
وقرب مني وهو بيهمس في ودني : – هفضل وراكي لحد ما تسامحيني
بعدت عنه وانا برفع عيني بتحدي : – يبقي هتفضل طول عمرك ورايا
ضحك بجاذبيه: – هنشوف
– هنشوف
قولتها بغيظ وانا بلف بظهري وبدخل من باب العماره ومن جوايا ناويه علي الان.تقام
معقوله في كده !!
قالها ” يامن” بصدم#مه وذهول بعد ما اتقابلنا وحكيتله كل حاجه بالتفصيل من بدايه معرفتي ب ” بدر” لحد اللحظه ديه
اتنهدت وانا بهز راسي بحزن: – للاسف في كده في بني ادمين كل همهم في الدنيا آذيه الناس وبس
بصلي وهو بيسأل بحزن : – طب يا “ريمان ” انتي يعني م…
– استحاله استحاله يا ” يامن ” افكر في بدر تاني صدقني انا بكره بدر وبكره اختي مبقتش بكره في الدنيا دي قدهم
ارجوك ساعدني انا عايزه اتطلق منه عايزه اخلص منه ومن الماضي اللي بيخن.قني ارجوك
سند أيده علي الطربيزه وهو بيقولي بغموض: – متقلقيش هطلقك منه النهارده قبل بكره
هويت راسي والدموع بتلمع في عيني : – ياريت بجد ياريت انا مش قادره استحمل
– طب وتاليا ؟!
اتنهدت بحزن وانا برد بشرود : – مش عارفه صدقني مش عارفه اعمل معاها ايه بس هي مع باباها اكيد هو مش هيأذيها صح ؟؟
ضحك بهدوء : – متقلقيش اكيد باباها مش هيأذيها وبعدين خليكي في نفسك
رديت بدموع : – بس هي صعبانه عليا اوي
حط أيده علي ايدي اللي كانت علي الطربيزه وهو بيرد بحزن : – للاسف يا ريمان لازم يبقي في ضحيه في كل الحكايات
احنا مش هنقدر نغير الواقع ومش هتقدري تاخديها من باباها !
اخدت نفس طويل وانا بمسح دموعي وبسأله بصوت مبحوح: – هنعمل ايه دلوقتي ؟!
بص قدامه وهو بيقول بنبره صوت غامضه: – هنعمل كل خير
– هنرفع خلع ؟؟
ضحك بسخريه: – يبقي مش هتطلقي غير بعد سنه ولا حاجه
رديت بتوتر : – اومال هنعمل ايه
رد بغموض اكبر : – متقلقيش سيبي الموضوع ده عليا المهم دلوقتي تروحي البيت قبل ما يوصل من شغله وتتعاملي عادي جدا وانا اي هبلغك بماسدجات اي الخطوه الجايه
هزيت راسي بتوتر : – ت تمام
بصلي بنظره غريبه لاول مره اشوفها في عينه وهو بيطمني بهدوء : – متقلقيش انا معاكي
ابتسمت ابتسامه مهزوزه وانا بهز راسي وبعد شويه روحت البيت كانت لسه تاليا نايمه وهو مرجعش من شغله
ساعتين ولقيت الباب بيتفتح وهو بيدخل منه وباين علي وشه التعب
مقدرش أنكر أن قلبي اتخلع واتنفضت من مكاني بدون وعي وانا بقرب منه وبسأله بتوتر :
– ا انت كويس
ضحك بسخريه وهو بيتطوح يمين وشمال
– وده يفرق معاكي في ايه ؟
بصيتله بغيظ وانا بقوله بعصبيه: – صح عندك حق انا فعلا غلطانه اياكش تم.وت حتي وانا مالي
قولت جملتي بعصبيه وروحت قعدت مكاني مره تانيه
أما عنه بصلي بصه غريبه كلها حزن وندم وأسف وبعدين دخل أوضته
فاتت نص ساعه وانا عيني علي باب أوضته اللي مخرجش منها
بدء القلق يدخل قلبي والشي.طان يوسوس ليا بحاجات مرعبه
قومت من مكاني وانا بروح نحيه اوضته وبخبط الباب استنيت لثواني يمكن يفتح أو يرد عليا بس مردش ولا حتي سمعت صوته
خبطت مره في التانيه وبرضو مفيش فايده
فتحت الباب فجأه وانا بنادي برعب: – بدررر
واول ما فتحت الباب اتص.دمت من اللي شوفته !
كان نايم علي ظهره وشه اصفر شفايفه لونها ابيض وكأنه فارق الحياه
جريت نحيته وانا بهزه برعب : – بدر
لكن في الحقيقه صدمتي زادت أضعاف لما شوفت جسمه ساكن ومش بيتنفس
قعدت علي طرف السرير ودموعي علي خدي وانا بهمس باسمه : – ب بدر ل لا متموتش ب بدر
مسكت ايده اللي كانت بارده بشكل يخض وانا بضغط عليها وبعيط بخوف : – بدر اصحي متموتش عشان خاطري لا يابدر ط طب انا مسامحاك بدر اصحي عشان خاطري
لكن كانت اراده ربنا اقوي من اي حد وم١ت !!
بعد مرور شهر
كنت قاعده في اوضتي وعلي سريري ضامه ركبتي لصدري باصه قدامي بشرود
قلبي بيبكي قبل عيوني وانا بفتكر وقت ما شوفته ميت قدامي من وقتها وانا محستش بأي حاجه غير بعد اسبوع بالتقريب
لما فتحت عيني وسالت انا فين واي اللي حصل وقالولي
” البقاء لله”
اتص.دمت صدم#مه عمري ،فضلت أصرخ واعيط فضلت انادي عليه واقوله
– ارجع انا مسامحاك والله مسامحااااك مش هلومك تاني بس ارجع عشان خاطري وحياتي عندك ارجع يابدر انا بحبك انا لسه بحبك والله لسه بحبك متمشيش عشان خاطري
كنت منهاره بالمعني الحرفي وماما وبابا وكل الناس مستغربه اللي انا بعمله !
منين كنت رافضه اتجوزه عشان هو جوز اختي وزي اخويا ومنين دلوقتي بقوله بحبك ازاي يعني احبه بين يوم وليله !!
ايه الجنان ده ايه الغموض ده محدش فاهم حاجه غير ” يامن ” اللي كان زعلان عليا
فات اسبوع ورا التاني وانا مازلت علي حالتي كل يوم اصحي من نومي بصرخ وبقول كلام مش مفهوم لدرجه جابولي دكتور نفسي
كان يجيلي كل يوم يحاول يخرج مني اي كلمه لكن انا رافضه اتكلم رافضه اقول اي حاجه
لكن الغريبه أنه مكانش بييأس بالعكس كان يجيلي ويفضل يتكلم عن أي هري ويفضل يحكيلي عن الناس اللي كانت عنده زمان واتعالجت
كان يفضل يحكيلي حاجات غريبه ومرعبه
حقيقي اللي يشوف بلاوي الناس تهون عليه بلوته !
معقوله في ناس بالشكل ده في ناس ممكن تأذي حد وتظلمه وتروح تنام علي مخدتها بكل راحه
ازاي بقينا بالشكل ده ازاي بقينا مؤذيين اوي كده ؟!
فوقت من شرودي علي صوت الباب بيخبط
اتعدلت وانا بقول بهمس : – اتفضل
دخل الدكتور بابتسامته اللي مش بتفارق وشه وهو بيقول بمرح : – مساء الخير
رديت بهدوء : – مساء النور
لقراءة تتمة القصة اضغط على الرقم 9👇❤️👇❤️
