ماهي الاغذيه اللي تزيد الذكاء ؟

تعلمنا ان العقل السليم بالجسم السليم بهذا البوست راح اكتب عن أصناف الأغذية اللي تزيد الاستيعاب و قدره الدماغ مستندا على ادله و تجارب علميه 1. التوت و تشمل هذه القائمه Blueberries التوت الازرق Strawberry الفراوله Blackberry التوت الأسود Raspberry توت العليق التجربه ملخصها انه اعطوا 40 شخصا مخلوط من كل ما ذكر أعلاه و النتيجة تحسن بالوظيفه العقليه مقارنه مع أشخاص اخرين اعطوا ماء فقط بالاضافه إلى ٨ دراسات على الاطفال و الكبار انه النتيجة تحسن بالذاكره القريبه الأمد و الطويله الأمد بعد تناول مقويات أساسها التوت الأزرق او التوت الأزرق بحد ذاته التوت ماهو كله متوفر نروح الخيار الثاني 2. الحمضيات و هي بكل الأصناف و بالأخص الكريب فروت و البرتقال الدراسه شملت ٤٠ شخص كذلك و النتيجة تحسن بالوظيفه العقليه مقارنه مع اللي ما شربوا عصير الكريب فروت ! الحمضيات معروف انها تزيد التعلم و الذاكره 3. الشوكولاته الداكنه و مشتقات الكاكاو التجربه شملت ٩٠ شخص بالغ عدهم مشاكل بالادراك بسيطه اعطوا ٣ تراكيز مختلفه من الكاكاو النتيجة انه اكثر ناس تحسنت عدهم الوظيفه الدماغيه هم اللي أخذوا أعلى تركيز بالكاكاو ! بتجارب أخرى اثبت ان الشكولاته الداكنه تحسن من تدفق الدماء للمخ و تزيد الذاكره . 4. المكسرات بأحد التجارب النتيجة ان اضافه الجوز ل ٦٤ طالب لمده ٨ أسابيع زياده بمقدار 11 بالميه بالاستجابه للاوامر اللفظيه! دراسه أخرى شملت 317 شخص لاحظوا ان اضافه المكسرات لغذائهم زادت من الاداء الدماغي في اختبارات الذكاء لقراءة باقي الانواع اضغط على الرقم 2 👇 ماهي الاغذيه اللي تزيد الذكاء ؟ 5. البيض دائما يشار للبيض انه هو عباره عن فيتامينات متعدده بس حتى تستفاد من البيض للدماغ لازم تاكل الصفار التجربه تكول انه اعطوا صفار بيض فقط لمجموعة و بياض بيض لمجموعه أخرى النتيجة انه اللي أخذوا الصفار كانوا احسن بالنسبه لمستوى الذاكره القصيره الأمد السبب ان البيض مفيد للذاكره هو لاحتوائه على الكولين و السيلينوم اللي هم موصلات في الدماغ ! . 6. الافوكادو avocado الأفوكادو بيه ليوتين الماده الموجوده بدماغنا التجربه شملت ٨٤ شخص اعطوا الافوكادو لمده ١٢ اسبوع النتيجة انه تحسن عدهم مستوى الدقه بالاختبار ! . 7. السمك fish السبب واضح اوميكا ٣ طبعا بس السمك مو قاصر ابدا بتجربه شملت ١٧ الف طفل مدرسه اعطوهم يوميل ٨ غرامات سمك يوميا النتيجة انه درجاتهم تحسنت بالرياضيات و اللغه الالمانيه مقابل اللي ما ياخذون سمك ! تجربه أخرى من اليابان شملت ٧٦ شخص كان نتيجتها ان اللي يتناولون السمك يوميا تزيد عندهم الذاكره لقراءة باقي الانواع اضغط على الرقم 3 👇 ماهي الاغذيه اللي تزيد الذكاء ؟ 8. رقم ٨ راح يصدمكم الشمندر beet الشمندر بيه نايتريت اللي يتحول إلى نايترك اسيد نايترك أسد موسع للاوعيه الدمويه الدراسه اللي تخص الشمندر شملت ٤٠ شخص و جدوا تحسن بالذاكرة عند الأشخاص اللي شربوا عصير الشمندر مقابل اللي ما اخذوه ! . 9. اخر شي الخضراوات الخضراء و الحمراء و البرتقاليه فالمعروف ان الصبغه البرتقاليه تتجمع في العين و مناطق الدماغ و بالتالي تحسن من وظيفته بأحد الدراسات اللي شملت ٥٤ طفل وجدوا ان تناول هذه الخضراوات يحسن من الاداء الاكاديمي . مختصر لما ذكر خلوا اكل اطفالكم متنوع و بيه بيض و جزر و فلفل بكل ألوانه و شويه سمك و تحليتهم بشوكولاته داكنه و راح تشوفون فرق